Pasinaya sa Bagong Barangay Hall at Multi-Purpose Building ng Barangay Saba, Hermosa, Bataan

Pinangunahan ngayon ni Hermosa Mayor Jopet Inton ang pasinaya sa bagong Barangay Hall at Multi-Purpose Building ng Barangay Saba, Hermosa, Bataan.

Ang naturang proyekto ay bunga ng pagtutulungan ng Barangay Saba sa pamumuno ni Punong Barangay Jesus Reyes, Governor Abet Garcia, Mayor Inton at ang pondo naman ay nagmula sa tanggapan ni Senador Bong Go.

Bukod sa bagong barangay hall ay nakatakdang itayo din sa tabi nito ang bagong covered court ng Barangay Saba.

Ang proyektong ito ay kabilang sa maraming infrastructure projects na naipagawa ni Mayor Jopet kagaya ng mga covered courts sa iba’t ibang barangay ng Hermosa, na ang mga pondo ay mula sa mga kaibigan niyang mga senador.